कागतीको झाडीमा लुकाईछिपाई राखेको अवस्थामा भरुवा बन्दुक सहित १ जना नियन्त्रणमा
समाचारदाता : गोपाल पौडेल
संखुवासभा, २०८३ जेठ ३० गते।
धराने मिडिया : संखुवासभाको पाँचखपन नगरपालिका-६ मगरटोल स्थितबाट भरुवा बन्दुक सहित १ जनालाई प्रहरीले नियन्त्रणमा लिएको छ ।
जेठ २९ गते गोप्य सूचनाको आधारमा इलाका प्रहरी कार्यालय वानाबाट खटिएको प्रहरी टोलीले पाँचखपन नगरपालिका-६ निवासी ३५ वर्षीय विनय मगरको घर छेउमा रहेको कागतीको झाडीमा लुकाईछिपाई राखेको अवस्थामा १ थान लोड गरिएको भरुवा बन्दुक बरामद गरे संगै मगरलाई नियन्त्रणमा लिएको हो ।
बन्दुक सहित पक्राउ परेका मगरको थप अनुसन्धान भइरहेको छ ।
श्रोत : कोशी प्रदेश प्रहरी कार्यालय, बिराटनगर
