ओलीले प्रधानमन्त्री शाहको अभिव्यक्तिलाई देशद्रोही भन्दै कडा आलोचना

समाचारदाता : गोपाल पौडेल

२०८३ जेठ २० गते।

धराने मिडिया : नेकपा (एमाले) का अध्यक्ष तथा पूर्वप्रधानमन्त्री केपी शर्मा ओलीले प्रधानमन्त्री बानेद्र शाहको भारत–नेपाल सीमा सम्बन्धी अभिव्यक्तिप्रति कडा आपत्ति जनाएका छन्।

ओलीले प्रधानमन्त्री शाहले संसदमा दिएको भनिएको अभिव्यक्तिले नेपालको राष्ट्रिय हित, सार्वभौमिकता र कूटनीतिक सम्बन्धमा नकारात्मक असर पार्ने भन्दै त्यसलाई “देशद्रोही सोचको प्रतिबिम्ब” भएको टिप्पणी गरेका छन्। उनले नेपालको भूमि र सीमासम्बन्धी विषय संवेदनशील भएकाले तथ्य र प्रमाणका आधारमा मात्र धारणा सार्वजनिक गर्नुपर्ने बताएका छन्।

पूर्वप्रधानमन्त्री ओलीले राष्ट्रिय स्वाभिमानसँग जोडिएका विषयमा गैरजिम्मेवार अभिव्यक्ति दिन नहुने उल्लेख गर्दै देशको हितविपरीत हुने कुनै पनि गतिविधि वा अभिव्यक्तिको विरोध गरिने बताए। उनले राजनीतिक नेतृत्वले राष्ट्रिय एकता र अखण्डतालाई कमजोर बनाउने खालका अभिव्यक्ति दिनबाट बच्नुपर्ने धारणा व्यक्त गरे।

यस विषयलाई लिएर विभिन्न राजनीतिक दल, नागरिक समाज तथा सर्वसाधारणबीच पनि बहस र प्रतिक्रिया जारी रहेको छ। प्रधानमन्त्री शाहको अभिव्यक्तिप्रति समर्थन र विरोध दुवै पक्षबाट प्रतिक्रिया आइरहेका छन्।