विश्वकप २०२६ : जर्मनीको ७–१ को फराकिलो जित, कुरासाओमाथि गोलवर्षा
समाचारदाता : गोपाल पौडेल
२०८३ असार १ गते।
धराने मिडिया : फिफा विश्वकप २०२६ को समूह ‘ई’ अन्तर्गत भएको खेलमा जर्मनीले विश्वकप डेब्यु टोली कुरासाओलाई ७–१ गोलअन्तरले पराजित गर्दै प्रतियोगितामा सशक्त सुरुआत गरेको छ।
खेलको सुरुमै अग्रता लिएको जर्मनीले आक्रमणमा पूर्ण नियन्त्रण कायम राख्दै लगातार अवसर सिर्जना गर्यो र अन्ततः सात गोल गर्दै प्रभावशाली जित दर्ता गर्यो। कुरासाओले एक गोल फर्काएर ऐतिहासिक क्षण बनाए पनि जर्मनीको आक्रामक खेलशैली रोक्न सकेन।
जर्मनी विश्व फुटबलको सबैभन्दा सफल राष्ट्रमध्ये एक हो। उसले सन् १९५४, १९७४, १९९० र २०१४ गरी चार पटक फिफा विश्वकपको उपाधि जितिसकेको छ र धेरै पटक फाइनल तथा सेमिफाइनलसम्म पुगेको इतिहास बोकेको टोली हो।
कुरासाओ भने सन् २०२६ मा पहिलो पटक फिफा विश्वकपमा छनोट भएको क्यारिबियन राष्ट्र हो। विश्वकपमा सहभागिता नै उसका लागि ऐतिहासिक उपलब्धि मानिएको छ।
विश्वकपका अर्को निर्धारित खेलहरू (नेपाल समय) यसप्रकार छन्:
नेदरल्यान्ड्स vs जापान – राति १:४५ बजे
आइभोरी कोस्ट vs इक्वेडर – बिहान ४:४५ बजे
स्विडेन vs ट्युनिसिया – बिहान ७:४५ बजे
