इलाम २ : फाकफोकथुम वडा नम्बर १, २ र ३ को गणना सकिएको
धरान : इलाम–२ को उपचुनावअन्तर्गत जारी मतगणनामा अहिलेसम्म फाकफोकथुम वडा नम्बर १, २ र ३ को गणना सकिएको निर्वाचन आयोगले जनाएको छ ।
अहिलेसम्म नेपाली कांग्रेसले न्युन मतले अग्रता लिएको छ ।
कांग्रेसका उम्मेदवार डम्बरबहादुर खड्काले एक हजार छ सय ४३ मत ल्याएका छन् ।
एमाले उम्मेदवार नेम्वाङले एक हजार छ सय ३ मत ल्याएर उनलाई पछ्याइरहेका छन् ।
तेस्रो स्थानमा रहेका डकेन्द्रसिंह थेगिमले चार सय ३७ मत ल्याउँदा राष्ट्रिय स्वतन्त्र पार्टीका उम्मेदवार मिलन लिम्बूले तीन सय ५ मत प्राप्त गरेका छन् ।
