डरलको भाउ हालसम्म कै उच्च
समाचारदाता : गोपाल पौडेल
२०८१ मंसिर ५ गते ।
धराने मिडिया : अमेरिकी डलरको मूल्यले फेरि नयाँ रेकर्ड बनाएको छ । मंसिर ५ गते, बुधबार १३५ रुपैयाँ ३७ पैसा पुगेर डलरको भाउले नयाँ रेकर्ड बनाएको हो।
यो डलरको हालसम्मकै उच्च मूल्य हो। यसअघि गत कात्तिक ३० गते अमेरिकी डलरको भाउ १३५ रुपैयाँ ३४ पैसा सम्म पुगेको थियो।
अमेरिकी डलरको तुलनामा भारतीय रुपियाँ कमजोर बन्दा नेपाली रुपैयाँ समेत कमजोर भएको हो। भारुसँग नेपाली रुपैयाँको स्थिर विनिमय दर छ। यसले गर्दा भारु कमजोर हुँदा नेपाली रुपैयाँ समेत कमजोर भएको हो।
