पुष १२ गते देखि १९ औ अम्वर ललित डिपो कप हुने
समाचारदाता : गोपाल पौडेल
२०८१ मङ्सिर १५ गते।
धराने मिडिया : डिपो स्कुलको आयोजनामा हुने १९ औ अम्वर ललित डिपो कप आगामी पुष १२ गते देखि सन्चालन हुने भएको छ ।
डिपो स्कुलले शुक्रबार पत्रकार सम्मेलन गरी उक्त जानकारी दिएको हो । डिपो कप विजेताले रनिङ शिल्ड सहित नगद ११ हजार १११ रुपैयाँ पुरस्कार ट्रफी मेडल प्रमाणपत्र प्राप्त गर्नेछ ।
उपविजेताले नगद ७ हजार, ट्रफी मेडल तथा प्रमाणपत्र प्राप्त गर्नेछ । तेस्रो हुने विद्यालयले नगद ५ हजार १११रुपैयाँ शिल्ड मेडल र प्रमाणपत्र पाउनेछ ।
प्रतियोगितामा कक्षा ५ सम्म अध्यानरत विद्यार्थीलाई मात्र सहभागी गराईने डिपो स्कुलका प्राचार्य राजकुमार राईले बताए । साथै उनका अनुसार प्रावि स्तरका संस्थागत विद्यालयका १६ वटा टिमले मात्र सहभागी जनाउन सक्नेछन् ।
पहिलो चरणमा पराजित ८ टिमले प्लेट च्याम्पियनका लागि भिड्नेछ ।प्लेट च्याम्पियनका विजेतले नगद ३ हजार १ सय ११ रुपैया र उपविजेताले २ हजार १ सय ११ रुपैया, ट्रफि, मेडल र प्रमाणपत्र प्राप्त गर्नेछ ।
स्कुलले २०६२ साल देखि प्रतियोगिता सुरु गरेको हो ।
