प्रथम निराजन फुटसल कपको उपाधी धरानको येति एफ.सि लाई (भिडियो सहित)
समाचारदाता : गोपाल पौडेल
२०८१ मङ्सिर २३ गते।
धराने मिडिया : धरान-१५ स्थित निराजन स्पोर्टिङ क्लबद्वारा आयोजित प्रथम निराजन फुटसल कप २०८१ को उपाधी धरानको येति एफ.सि ले जित्न सफल भएको छ।
मङ्सिर २१ र २२ गते धरान-१५ स्थित बिक फुट फुटसलमा २१ वटा टोलिलाई पछाडी पार्दै येति एफ.सि ले उपाधी जित्न सफल भएको हो।
विजेता टोलिले नगत रु ७५ हजार सहित मेडल, प्रमाणपत्र र ट्रफी हात पारेको छ भने उपविजेता हुन सफल काठमाडौको अनुग्रह चर्च एफ.सिले नगत रु ३५ हजार, मेडल, प्रमाणपत्र र ट्रफी हात पार्न सफल भयो।
क्लबका अध्यक्ष रोमन लिम्बुले प्रथम चोटि आयोजना भएको यस प्रतियोगिता सफल पर्न सहयोग गर्ने सम्पुर्णलाई धन्यवाद व्यक्त गरेका थिए। उनले आउने दिनहरु यस क्लबले अन्य विभिन्न खेलकुदका प्रतियोगिता आयोजना गर्ने पनि बताएका थिए।
त्यस्तै समापन कार्यक्रमका प्रमुख अतिथी धरान उपमहानगरपालिकाका वडा न. १५ का अध्यक्ष नरेश इवारमले खेलाडीलाई प्रोत्साहन हुने यस्ता प्रतियोगिता आयोजना भएको खुशी व्यक्त गरेका थिए।
प्रतियोगितामा हाई स्कोर दिपेन्द्र बस्नेत प्राप्त गरे, उत्कृष्ट गोल रक्षक येति एफ.सिका प्रवेश तामाङले प्राप्त गरे भने उत्कृष्ट खेलाडी येति एफ.सिका सुशात राई घोषित भए।
