तार जडान गर्ने क्रममा करेन्ट लागेर राईको मृत्यु
समाचारदाता : गोपाल पौडेल
इलाम, २०८१ पौष ०२ गते।
धराने मिडिया : इलामको सन्दकपुर गाउँपालिका-४ सायाङ्बा स्थितमा करेन्ट लागेर १ जनाको मृत्यु भएको छ ।
मंसिर २९ गते साँझ विद्युतको पोल माथि तार जडान गर्ने क्रममा ज्यालामा काम गर्ने स्थानीय ३० बर्षीय गोपाल राईलाई एक्कासी करेन्ट लागेको थियो ।
करेन्ट लागेर घाईते भएका उनलाई उपचारकोलागी जिल्ला अस्पताल इलाम लैजादै गर्दा बाटैमा मृत्यु भएको थियो ।
घटना सम्बन्धमा थप अनुसन्धान तथा कानूनी कारबाही भईरहेको जिल्ला प्रहरी कार्यालय इलामले जनाएको छ ।
श्रोत : कोशी प्रदेश प्रहरी कार्यालय, बिराटनगर
