चर्च ब्वाइज युनाइटेड बुढासुब्बा गोल्डकपको फाइनलमा प्रवेश
समाचारदाता : गोपाल पौडेल
२०८१ माघ २४ गते ।
धराने मिडिया : चर्च ब्वाइज युनाइटेड क्लब काठमाडौ बुढासुब्बा गोल्डकपको फाइनलमा प्रवेश गरेको छ ।
भुटानको आरटीसी क्लबलाई ७–० गोलले हराउँदै चर्च ब्वाइज युनाइटेड बुढासुब्बा गोल्डकप फुटबलको फाइनलमा पुगेको हो ।
सुरुवाती मिनेटबाटै दबावमा परेको भुटानमाथि चर्च ब्वाइजका विदेशी खेलाडी जर्सी २३ आमोन्ड बेइडोम र समिर तामाङले ह्याट्रिक पूरा गरे ।
समिर तामाङले खेलको २१ औं मिनेट ५६ औ मिनेट र ८५ औं मिनेटमा गोल गर्दै ह्याट्रिक पुरा गरेका थिए। त्यस्तै अर्माण्ड भिदोङले खेलको २७ औं मिनेट, ५० औं र ५२ औं मिनेटमा गोल गर्दै ह्याट्रिक गरेका थिए ।
खेलको म्यान अफ द म्याच चर्च ब्वाइजका समिर तामाङ घोषित भए । उनलाई नगद १० हजार पुरस्कार प्रदान गरिएको थियो । एनआरटी क्लब काठमाडौ र युकेएफसी भारतबीच दोस्रो सेमिफाइनल खेल हुनेछ ।
धरान १६ स्थित रंगशालामा माघ २६ गतेसम्म सन्चालन हुने प्रतियोगिताको विजेताले ट्रफीसहित नगद १० लाख र उपविजेताले नगद ५ लाख पुरस्कार पाउने आयोजकले जनाएको छ।
