करेन्ट लागेर १ कामदारको मृत्यु
समाचारदाता : गोपाल पौडेल
ताप्लेजुङ, २०८२ वैशाख २१ गते ।
धराने मिडिया : ताप्लेजुङको मेरिङदेन गाउँपालिका-३ स्थितमा करेन्ट लागेर १ जना कामदारको मृत्यु भएको छ ।
वैशाख १९ गते बिहान ताप्लेजुङ मेरिङदेन-३ खाम्लुङ स्थितमा रहेको युनाईटेड हाईड्रोपावर अन्तर्गत रामेछाप कन्ट्रकसनको आउटलेट साईडप्लान्टमा काम गर्ने ईलामको माई नगरपालिका-१ बतासे का २४ वर्षीय खगेन्द्र राईले हाईड्रोपावरको लेबर क्याम्प बनाउने क्रममा अचानक फलामको रड तिन फेजमा टाँसिएर करेन्ट लाग्दा घाईते भएका थिए ।
घाईते उनलाई उपचारको लागी जिल्ला अस्पताल ताप्लेजुङ लगिएकोमा उपचारको क्रममा चिकित्सकले उनलाई मृत घोषित गरेको हो ।
श्रोत : कोशी प्रदेश प्रहरी कार्यालय, बिराटनगर
