बलिउड अभिनेता धर्मेन्द्रको ८९ वर्षको उमेरमा निधन

समाचारदाता : गोपाल पौडेल

२०८२ मङ्सिर ०८ गते ।

धराने मिडिया  :  बलिउड अभिनेता धर्मेन्द्रको ८९ वर्षको उमेरमा निधन भएको छ । सोमबार अपराह्न उनको आफ्‍नै निवासमा निधन भएको भारतीय सञ्‍चारमाध्यमहरूले जनाएका छन्।

अमिताब बच्चन, हेमा मालिनी, आमिर खानलगायत बलिउडका दिग्गज कलाकारहरू अन्तिम संस्कारका लागि विले पार्लेस्थित पवन हंस श्मशान स्थलमा पुगेका थिए । यसअघि धर्मेन्द्रको निवासमा एम्बुलेन्स सहितका गाडी र घर बाहिर सुरक्षा बढाइएको थियो ।

धर्मेन्द्रले ३ सयभन्दा बढी फिल्ममा काम गरेका छन्। करिब सात दशक सिनेमा जगतमा बिताएका धर्मेन्द्रले शोले, चुपके चुपके, सीता और गीता, धरम वीरजस्ता सुपरहिट फिल्ममा कामसमेत गरेका छन्। उनको अन्तिम फिल्म आगामी महिना रिलिज हुँदैछ, जसको नाम हो इक्कीस।

धर्मेन्द्रको निधनपछि बलिउड कलाकारहरूले एउटा युग सकिएको उल्लेख गरेका छन्।