हङकङमा आगलागीबाट मृत्यु हुनेको संख्या ९४ पुग्यो
समाचारदाता : गोपाल पौडेल
२०८२ मङ्सिर १२ गते ।
धराने मिडिया : हङकङको एक आवासीय क्षेत्रमा भएको भीषण आगलागीमा परी मृत्यु हुनेको संख्या कम्तीमा ९४ जनाको पुगेको छ।
हङकङको ताई पो जिल्लास्थित ‘वाङ फुक कोर्ट’ हाउसिङ कम्प्लेक्सका अग्ला भवनहरूमा बुधबार दिउँसो भीषण आगलागी हुँदा ठूलो मानवीय क्षति भएको थियो। स्थानीय समयअनुसार बुधवार २ बजेर ५१ मिनेट जाँदा वाङ फुक कोर्टमा आगलागी भएको थियो ।
यो घटनालाई हङकङमा सबैभन्दा गम्भीर मानिने पाँचौँ स्तरको आगोको रूपमा वर्गीकृत गरिएको छ। हङकङमा विगत १७ वर्षपछि यति गम्भीर स्तरको आगलागी भएको यो पहिलो घटना हो।
आगलागीको कारण खुल्न बाँकी छ । ज्वलनशील सामग्री तारजाल र प्लास्टिक प्रयोगका कारण आगो तीव्र रूपमा फैलिएको आशंका गरिएको भन्दै निर्माण कम्पनीका तीन जना कार्यकारी अधिकारीलाई मानव हत्या आरोपमा गिरफ्तार गरिसकेको छ।
