भारतको ७८ औ स्वतन्त्रता दिवस, नेपाल भारत मैत्री सङ्घद्वारा धरानको भानुचोकमा रक्तदान कार्यक्रममा
समाचारदाता : गोपाल पौडेल
धराने मिडिया : मित्रराष्ट्र भारतको ७८औ स्वतन्त्रता दिवसमा शुभकामना सन्देश दिन बुधवार धरानमा आयोजित रक्तदान कार्यक्रममा ६१ प्रिन्ट रगत सङ्कलन भएको छ ।
नेपाल भारत मैत्री संघको आयोजनामा भानुचोकमा आयोजित रक्तदानमा ६१ पिन्ट रगत संकलन भएको अध्यक्ष सरोज श्रेष्ठले जानकारी दिए ।
भारतीय राजदुतावास पेन्सन वितरण कार्यालय धरानका प्रभारी अधिकारी मेजर भरत कनौजियाको प्रमुख आतिथ्यमा धरानको लोकतान्त्रिक चौतारीमा आयोजित रक्तदान कार्याक्रमको सह आयोजकमा नेपाल यातायात व्यवसायी राष्ट्रिय महासंघ जिल्ला समिति सुनसरी र धरान सिटी कलेज रहेका थिए ।
कार्यक्रममा संघका उपाध्यक्ष कृष्ण अग्रवालले स्वागत मन्तव्य व्यक्त गरेका थिए भने सुनसरी उद्योग वाणिज्य संघका अध्यक्ष विजय श्रेष्ठ, नेपाल रेडक्रस सोसाइटीका सभापति उमेश थापाले पनि शुभकामना मन्तव्य व्यक्त गरेका थिए । कार्यक्रममा रक्तदाताहरुलाई प्रमाण पत्र पनि प्रदान गरिएको थियो ।
