पाँचौ दिन पनि सुनको मूल्यले निरन्तर नयाँ रेकर्ड
समाचारदाता : गोपाल पौडेल
२०८१ असोज १० गते।
धराने मिडिया : बिहीबार, नेपाली बजारमा सुनको मूल्यले नयाँ रेकर्ड बनाएको छ । बिहीबार सुनको मूल्य तोलामा ३०० रुपैयाँले बढेर नयाँ रेकर्ड बनाएको हो।
सुनको मूल्यले निरन्तर रेकर्ड बनाउन थालेको आज पाँचौ दिन हो ।
नेपाल सुनचाँदी व्यवसायी महासँघका अनुसार आज छापावाला सुन प्रतितोला एक लाख ६० हजार ७०० रुपैयाँमा खरिदबिक्री भइरहेको छ । बुधबार छापावाला सुन प्रतितोला एक लाख ६० हजार ४०० रुपैयाँमा खरिदबिक्री भएको थियो ।
आईतबार सुन प्रतितोला एक लाख ५८ हजार ८०० रुपैयाँ, सोमबार प्रतितोला एक लाख ५९ हजार २०० रुपैयाँमा र मंगलबार एक लाख ५९ हजार ७०० रुपैयाँमा कारोबार भएको थियो । आईतबारदेखि सुनको मूल्यले निरन्तर रेकर्ड बनाउदै बढेको हो ।
