_1749706564.jpeg)
इजा प्रकाशनद्वारा १२ औ इजा स्मृति दिवस भव्यरूपमा पालन
समाचारदाता : गोपाल पौडेल
दार्जिलिङ, २०८२ साउन २६ गते ।
धराने मिडिया : दार्जिलिङ इजा प्रकाशन द्वारा प्रत्येक वर्ष झैँ यस वर्ष पनि बाह्रौं इजा स्मृति दिवस १० अगष्ट २०२५ आइतबारको दिन नेपाली साहित्य सम्मेलनको सभाहलमा भव्य , सभ्यताको साथमा पालन गरियो ।
बिहान करिब दश बजेतिर शुरू भएको यस विशेष समारोहमा साहित्य, संस्कृति र समाजका विभिन्न क्षेत्रमा सक्रिय रहँदै योगदान पुर्याएका बिशेष व्यक्तित्वहरूको उल्लेखनीय उपस्थिति रहेको थियो।
कार्यक्रमको गरिमामय वातावरण, सुव्यवस्थित संयोजन र समृद्ध प्रस्तुतीहरूले यस वर्षको इजा स्मृति दिवसलाई विशेष महत्त्व प्रदान गरिएको थियो।
प्रथम चरणमा
इजा प्रकाशनका अध्यक्षा आख्यानकार / लोक काथविद् अमला सुब्बा, प्रमुख अतिथि कथाकार / इतिहासकार डा टी बि चन्द्र सुब्बा , विशिष्ट अतिथिमा धरान नेपालबाट उपस्थित बरिस्ठ पत्रकार देवेन्द्र कार्की साथै इजा प्रकाशनका संस्थापक अनि संयोजक नविन सुब्बाको आसन ग्रहणपछि सभास्थलको अग्र भागमा सजाइएको इजा र ज्ञानकी अधिष्ठात्री माता सरस्वतीको तस्वीरअगाडि विधिपूर्वक दीप प्रज्वलन गरियो। दीपको मृदु ज्योतिसँगै पुष्प अर्पण र माल्यार्पण गर्दै आयोजक तथा सहभागीहरूले श्रद्धा, आस्था र कृतज्ञताको भाव प्रकट गरे।
कार्यक्रमको यो भावपूर्ण क्षणलाई अझ गम्भीर बनाउँदै सम्पूर्ण सभाले हालैको एक ठूलो क्षतिको स्मरणमा मौन धारण गर्यो।
वरिष्ठ साहित्यकार उर्मिला घिसिङ्गको असामयिक निधनले नेपाली साहित्य जगतमा ठुलो क्षति भएको र इजा अमूल्य योगदानलाई सम्झँदै एक मिनेटको मौन धारणा गरिएको थियो।
मौन धारणको अन्त्यमा दुवै व्यक्तित्वको अमर स्मृतिमा मनैदेखि श्रद्धाञ्जलि अर्पण गरियो।
यसरी, कार्यक्रमको दोस्रो चरणमा सम्मान, स्मरण र साहित्यप्रतिको गहिरो निष्ठाले ओतप्रोत बनाइएको थियो, जसले सम्पूर्ण वातावरणलाई श्रद्धामय र अर्थपूर्ण बनायो।
संगीतमय माहोल सृजना गर्दै गायिका सोनु राईले सरस्वती वन्दना प्रस्तुत गरिन्। इजा प्रकाशनका कार्यकारिणी सदस्य नारी हस्ताक्षर कमला लेप्चाको स्वागत सम्बोधन पश्चात् कवि हेमन्त सुब्बाले कविता वाचन गरे ।
बालसाहित्यमा साहित्य अकादमी पुरस्कारले सम्मानित भएवापत् डा साङमु लेप्चालाई विशेष सम्वर्द्धना अर्पण गरियो।
कार्यक्रमको प्रमुख आकर्षण इजा स्मृति प्रतिभा सम्मान थियो। यसअन्तर्गत दुई विशिष्ट व्यक्तित्वलाई सम्मानित गरियो —
बहुमुखी प्रतिभाशाली श्रीमती बसन्ती शाह
वरिष्ठ संगीतकार / लब्धप्रतिष्ठित गायक श्री राम बिष्ट
सम्मानित व्यक्तित्वहरूको सम्बर्द्धन पत्र क्रमशः कवयित्री नम्रता संस्कार र सरस्वती शर्माले पठन गरेका थिए ।
कार्यक्रमको तेस्रो चरणमा गायिका रोशनी वान्तवा राई र विवेक ठकुरीले प्रस्तुत गरेको मधुर युगल गीतले कार्यक्रमलाई सांगीतिक रंग चढाएको थियो।
त्यसपछि मञ्जुला तामाङ सुब्बाकृत मुक्तक संग्रह "अक्षर तरङ्ग" को पुनः विमोचन गरियो। सो अवसरमा केटिभ हेन्सका प्रभारी आदरणीय प्रदीप रसाइलीले संग्रहमाथि परिचयात्मक टिप्पणी प्रस्तुत गर्दै कृतिको साहित्यिक पक्ष, विषयवस्तु र सिर्जनात्मक महत्वबारे विस्तृत चर्चा गर्नुभयो।
यसै क्रममा कथाकार नुरन राई ‘जुदु’कृत कथा संग्रह "जिन्दगीले कुँदेको कथाहरु" को औपचारिक विमोचन गरियो।
जिन्दगीले कुँदेको कथाहरु’ कृति माथी गहिरो पाठकीय दृष्टिकोण प्रस्तुत गर्दै डा. योगेश खातीले पुस्तकका विषयवस्तु, पात्रनिर्माण, भाषाशैली तथा कथावाचनको प्रभावकारिताबारे आफ्ना मूल्यवान विचार प्रस्तुत गरे।”
चौथो चरणमा
वरिष्ठ साहित्यकार उदय थुलुङ, वेदिका राई, डाक्टर महेश दाहाल जस्ता निर्णायक मण्डलीले उचित मूल्याङ्कन गर्दै उत्कृष्ट पुस्तकको छनोट गरे। उनीहरूको निर्णय अनुसार यस वर्षको इजा स्मृति युवा साहित्य पुरस्कार ‘ऐन फ्रेङ्कको देशमा’ कृतिका लेखक श्री सन्तोष रावतलाई प्रदान गरियो।
यसै अवसरमा इजा स्मृति युवा साहित्य सम्मान पुरस्कार प्रदान गरियो। यस वर्षको पुरस्कार ‘ऐन फ्रेड्कको देशमा ’ कृतिका लेखक **श्री सन्तोष रावत (असम)**लाई घोषित गरिएको थियो। तर, आफ्नो व्यस्तताका कारण स्वयम् उपस्थित हुन नसकेका लेखकको तर्फबाट उक्त पुरस्कार वरिष्ठ साहित्यकार ज्ञानबहादुर छेत्री सन्तोष रावतका पिता (दुलियागञ्ज, आसाम) ले ग्रहण गर्यो भने
साहित्यकार सुमित्रा अविरलद्वारा सन्तोष रावतको जीवन र साहित्यिक परिचय प्रस्तुत गरेका थियो भने साहित्यिक मीना राईले सम्वर्द्धना पठन गरे।
पाँचौ चरणमा
कार्यक्रममा सहभागी सबै संघ–संस्था प्रतिनिधिहरू र उपस्थित अतिथि इजा प्रकाशनबाट पुरस्कृत भएका साहित्यकार सबैलाई आयोजक इजा प्रकाशनले सम्मानस्वरूप मुमेन्टो प्रदान गरियो।
त्यस्तै, कार्यक्रममा उपस्थित विशिष्ट अतिथि श्री देवेन्द्र कार्की (वरिष्ठ पत्रकार, धरान, नेपाल) ले कविता वाचन गरे उनलाई सहित अन्य सम्माननीय उपस्थितिहरूलाई पनि आयोजक संस्थाले मुमेन्टो प्रदान गर्दै कृतज्ञता व्यक्त गरियो।
छौटौ चरणमा
इजा प्रकाशनका संस्थापक मञ्जुला तामाङ सुब्बाले आयोजक तथा उपस्थित सबैप्रति धन्यवाद ज्ञापन गरिन्। तत्पश्चात प्रमुख अतिथि कथाकार / इतिहासका, श्री टी.बी. चन्द्र सुब्बाले आफ्नो सम्बोधनमा इजा स्मृति दिवसको सफल आयोजना प्रति खुशी व्यक्त गरे। उहाँले यस कार्यक्रमले साहित्य, संस्कृति र समाजबीचको सम्बन्धलाई थप मजबुत बनाउने विश्वास व्यक्त गर्दै भविष्यमा पनि यस्तो सार्थक प्रयत्न निरन्तर रहिरहोस् भन्ने शुभकामना दिए।
कार्यक्रमको भावनात्मक क्षणमा मञ्जुला तामाङको शब्द, राजेन्द्र तामाङको संगीत र सोनु राईको स्वरमा इजाको भावनात्मक गीत प्रस्तुत गरियो, जसले सम्पूर्ण सभालाई स्मृतिमय र भावुक बनायो।
अन्त्यमा कार्यक्रम इजा प्रकाशनका महासचिव साहित्यकार सुनिल राई प्रणामीद्वारा सञ्चालित यस कार्यक्रमको अन्तमा अध्यक्ष श्रीमती अमला सुब्बा छेत्रीको समापन मन्तव्य तथा औपचारिक घोषणासहित इजा स्मृति दिवस कार्यक्रमको समापन भएको घोषणा गरियो।
