धरानबाट लागु औषध गाँजा सहित ४ जना पक्राउ
धरान : धरान उप-महानगरपालिका-२० बिष्णुपादुकाबाट ठुलो परिमाणमा लागूऔषध गाँजा सहित ४ जनालाई प्रहरीले पक्राउ गरेको छ ।
लागुऔषध गाँजाको ओसार पसार भईरहेको भन्ने बिशेष सूचनाको आधारमा ईलाका प्रहरी कार्यालय धरानबाट बैशाख २८ गते राती साँढे १ बजे खटिएको प्रहरी टोलीले को १ ज १८२१ नम्बरको गाडीलाई रोकेर चेकजाँच गर्दा उक्त गाडीमा लुकाई छिपाई राखेको ३ सय ३५ किलोग्राम गाँजा बरामद गरेको थियो ।
गाडीबाट गाँजा बरामद भएसंगै गाडी चालक साँगुरीगढी गाउँपालिका-१० धनकुटाका २६ बर्षीय देउमान राई र ओसार पसारमा संलग्न सोही स्थानका २० बर्षीय निरज राई, २० बर्षीय मन्दिप राई र २८ बर्षीय मन कुमार राईलाई पक्राउ गरेको हो ।
लागुऔषध गाँजा सहित पक्राउ परेका उनीहरुको सम्बन्धमा प्रहरीले थप अनुसन्धान गरिरहेको प्रहरिले जनाएकोज छ ।
