"हामी धराने"को धराने वनभोज तथा नव वर्ष शुभकामना आदानप्रदान कार्यक्रम सम्पन्न
धरान : काठमाडौँमा रहनुहुने धरानेहरुको साझा संस्थाको रुपमा खोलिएको हामी धराने , काठमाडौंद्वारा बैसाख २९ गते शनिबार आयोजित "धराने वनभोज तथा नव वर्ष शुभकामना आदानप्रदान कार्यक्रम २०८१ " च्वङ्गा गणेश थान परिसर , सल्लाघारी भक्तपुरमा २७९ जना धरानेहरुको उपस्थितिमा सभ्य र भव्य रुपमा सम्पन्न भएको छ ।
बिहान ९:०० बजेदेखि साँझ सम्म भएको कार्यक्रम रक्तदान कार्यक्रम बाट शुरु गरी रमाइलो नाचगान गर्दै सम्पन्न भएको थियो ।
रक्तदान कार्यक्रममा ४२ जना धराने रक्तदाताहरुले रक्तदान गरेका थिए ।
कार्यक्रममा धराने लाखे समुहले लाखे नाच प्रस्तुत गर्दा सबै धरानेहरुले धरानमै भएको अनुभूति गरे भने चन्द्र श्रेष्ठको फेस पेन्टिंग र स्केचिंगले कार्यक्रममा धेरै धरानेहरुले अनुहारमा धरान झल्काउने पेन्टिङरु गरेर वनभोजको माहौलमा थप रौनकताथपिएको थियो ।
संस्थाका अध्यक्ष राजेन्द्र श्रेष्ठको सभापतित्वमा गरिएको औपचारिक कार्यक्रममा प्रमुख अतिथि प्रतिनिधि सभाका सदस्य माननीय अशोक कुमार राईले कलशमा दियो बालेर गर्नुभएको तियो ।
कार्यक्रमको अन्य अतिथिहरुमा न्याय परिषद सदस्य रामकुमार श्रेष्ठ, खाद्य गुणस्तर नियन्त्रणका पूर्व महानिर्देशक जीवन प्रभा लामा, पूर्व सचिव तथा धरान सरोकार समाजका अध्यक्ष चन्द्र घिमिरे, वरिष्ठ गायिका मथुरा श्रेष्ठ, कन्सल्टेन्ट युरोलोजिष्ट डा. पुकार मास्के, पत्रकार तथा मकाउकालागि पर्यटन प्रवर्तक आनन्द श्रेष्ठ र सेवा निवृत्त शिक्षिका ललिता श्रेष्ठ थिए ।
कार्यक्रममा आफ्नो जीवनको आधाभन्दा बढि समय शिक्षण पेशामा खर्चिनु भएकी ८४ वर्षिया शिक्षिका ललिता श्रेष्ठलाई प्रमुख अतिथि अशोक राई द्वारा दोसल्ला ओढाई सम्मान समेत गरिएको थियो भने अतिथि गण लगायत कार्यक्रम सफल बनाउन प्रायोजन तथा स्वयंसेवक गर्नुहुने महानुभावहरुलाई प्रशंसा पत्रका साथै मायाको चिनो प्रदान गरिएको थियो ।
औपचारिक कार्यक्रमपछि सबैको लोकप्रिय खेल हाउजीपनि खेलाइएको थियो । मनोरञ्जन नाचगान पश्चात् खानपिन गरी कार्यक्रमको समापन गरिएको थियो।
हरेक बर्ष काठमाडौँमा रहनुहुने धरानेहरुको जमघट तथा नयाँ बर्षको शुभकामना आदान प्रदानका कार्यक्रम आयोजना गर्ने तथा काठमाडौँमा रहनुहुने धरानेहरुको हकहित संगै धरानको बिकासको लागि हर समय "हामी धराने " लागि पर्ने अध्यक्ष राजेन्द्र श्रेष्ठले बताए ।
