_1728015651.gif)
सामान्य वाद विवादका क्रममा छुरा प्रहार गरी हत्या गरेको आरोपमा १ जना पक्राउ
श्रोत : कोशी प्रदेश प्रहरी कार्यालय, बिराटनगर
धराने मिडिया : कोशी प्रदेश प्रहरी कार्यालयको प्रादेशिक अनुसन्धान समुह PIT र जिल्ला प्रहरी कार्यालय मोरङबाट खटिएको प्रहरी टोलीले छुरा प्रहार गरी हत्या गरेको आरोपमा विराटनगर-४ का २४ बर्षीय गणेश भन्ने रमेश यादबलाई पक्राउ गरेको छ ।
असार ५ गते बुधबार राती रमेश यादबले छिमेकीको घरमा पाहुना आएका दुहबी नगरपालिका-१२ सुनसरीका २३ बर्षीय अक्लेश कुमार यादबलाई सामान्य वाद विवादका क्रममा धारीलो हतियार छुरा प्रहार गरेका थिए ।
छुरा प्रहारबाट घाईते भएका यादबको उपचारको क्रममा नोबेल अस्पताल बिराटनगरमा मृत्यु भएको थियो ।
घटनामा संलग्न रमेश यादबलाई प्रहरीले भाग्दै गरेको अवस्थामा सुनसरीको लौकहीबाट पक्राउ गरेको हो । पक्राउ परेका यादबको जिल्ला प्रहरी कार्यालय मोरङबाट थप अनुसन्धान भईरहेको छ ।
_1728015695.gif)
