_1728015651.gif)
धरानमा बोलबमको रौनक सुरु, पहिलो सोमबार नै भक्तजनहरुको घुईचो
समाचारदाता : गोपाल पौडेल
धराने मिडिया : साउनको पहिलो सोमबार धरान-१४ स्थित पिण्डेश्वर महादेवको मन्दिरमा बोलबम भक्तजनहरुको घुँइचो लागेको छ ।
करिब ४२ वर्ष पहिलेबाट धरानको श्री पिण्डेश्वरमा चतराको कोशीबाट जल ल्याएर चढाउने बोलबम मेलाको परम्परा चलिआएको हो।
पौराणिक कथा अनुसार देवता र दानव मिली समुद्र मन्थन गर्दा निस्किएको अमृतले भरिएको घडालाई दानवहरूबाट जोगाई यस स्थानमा ल्याई पुर्याएर शिवलिङ्गको रूपमा स्थापना गरेको भन्ने पुराण एवं धर्मशास्त्रमा व्याख्या गरिएको छ ।
_1728015695.gif)
भक्तजनहरुको विश्वास प्रगाढ बन्दैगएकोले बर्षेनी जल चढाउनेको संख्यामा बृद्धि हुदै गएको पिण्डेश्वर बाबाधाम समितिको दाबी छ ।
भक्तजनहरुलाई धरानका विभिन्न संघसंस्थाहरुले निःशुल्क पानी, स्वास्थ्य शिविर, फलफुल वितरण र खाजा पनि वितरण गरिरहेका छन् ।
