धरानमा बोलबमको तेस्रो सोमबारको रौनक
समाचारदाता : गोपाल पौडेल
धराने मिडिया : २०८१ साल बोलबमको तेस्रो सोमबार धरान-१४ स्थित पिडेश्वर मन्दिरमा भक्तजनको भिडभाडले रौनक बढेको छ ।
यस दिन अन्य सोमबार भन्दा मन्दिर परिषदमा चहलपहल बढेको र जल चढाउन आउनेको सख्या पनि वृद्धि भएको देख्न सकिन्छ ।
भक्तजनहरुको विश्वास प्रगाढ बन्दैगएकोले बर्षेनी जल चढाउनेको संख्यामा बृद्धि हुदै गएको पिण्डेश्वर बाबाधाम समितिको दाबी छ ।
करिब ४२ वर्ष पहिलेबाट धरानको श्री पिण्डेश्वरमा चतराको कोशीबाट जल ल्याएर चढाउने बोलबम मेलाको परम्परा चलिआएको हो।
नियमित हरेक वर्ष श्रावन माहिनामा चल्दै आएको बोलबम बिचमा कोरोनाका कारण केहि असर परेको थियो भने अहिले आएर दर्शन गर्न आउनेको भिड बढदो क्रम रहेको छ।
भक्तजनहरुलाई धरानका विभिन्न संघसंस्थाहरुले निःशुल्क पानी, स्वास्थ्य शिविर, फलफुल वितरण र खाजा पनि वितरण गरिरहेका छन् ।
पौराणिक कथा अनुसार देवता र दानव मिली समुद्र मन्थन गर्दा निस्किएको अमृतले भरिएको घडालाई दानवहरूबाट जोगाई यस स्थानमा ल्याई पुर्याएर शिवलिङ्गको रूपमा स्थापना गरेको भन्ने पुराण एवं धर्मशास्त्रमा व्याख्या गरिएको छ ।
