धरानबाट लागुऔषध सहित पक्राउ
समाचारदाता : गोपाल पौडेल
२०८१ भदौ १६ गते ।
धराने मिडिया : सुनसरीको धरानबाट लागुऔषध सहित प्रहरीले पक्राउ गरेको छ ।
भदौ १३ गते बेलुका सुनसरीको धरान उप-महानगरपालिका-१७ स्थितमा इलाका प्रहरी कार्यालय धरान र अस्थायी प्रहरी पोष्ट रेल्वेबाट खटिएको प्रहरी टोलीले चेकजाँचको क्रममा स्थानीय २४ बर्षीय रोशन राईलाई १२ ग्राम २३० मिलिग्राम ब्राउन सुगर सहित पक्राउ गरेको हो ।
त्यसैगरी धरान-२ स्थितमा डेरा गरी बस्दै आएका २८ बर्षीय मोहमद सहजादालाई ट्रामानिज र स्पास्मो १ हजार २ सय ८६ क्याप्सुल, नाट्राभेट- ८ सय ६० ट्याब्लेट र स्कफ १७ बोतल सहित नियन्त्रणमा लिएको हो ।
लागुऔषध सहित पक्राउ परेका उनिहरुको सम्बन्धमा थप अनुसन्धान भईरहेको छ ।
श्रोत : कोशी प्रदेश प्रहरी कार्यालय, बिराटनगर
