धरानको विश्वकर्मा मन्दिरमा पूजा गर्नेहरुको भीड, प्रवेशद्वारको पनि उद्घाटन
समाचारदाता : गोपाल पौडेल
२०८१ असोज ०१ गते।
धराने मिडिया : आज विश्वकर्मा पूजा । भगवान विश्वकर्माको पूजा गर्न धरानको विश्वकर्मा मन्दिरमा लगायतका स्थानहरुमा भीड रहेको छ ।
मन्दिर व्यवस्थापन समितिका अनुसार आज मोटामोटि १००० देखि १५०० सवारी साधन र ४००० देखि ५००० सम्म भक्तजनहरुको उपस्थिति रहेको थियो।
प्रत्येक वर्ष आश्विन सङ्क्रान्तिका दिन विभिन्न कलकारखानामा विश्वकर्मा भगवानको मूर्ति वा तस्बिरमा विधिपूर्वक पूजा आराधना गरी यो दिवस मनाउने गरिन्छ ।
आज पूजा गरिएको मूर्तिलाई भोलिपल्ट नदीमा सेलाइने गरिन्छ । कलकारखानालाई विशेष रूपमा सजाएर मजदुर समेतलाई सहभागी गराएर यो दिवस मनाइन्छ ।
आजको दिन धरानको विश्वकर्मा मन्दिरमा निर्माण भएको प्रवेशद्वारको पनि उद्घाटन गरिएको थियो। मन्दिर व्यवस्थापन समितिका अध्यक्ष सुवाश श्रेष्ठका अनुसार ६,७५,०००/ लागतमा सो प्रवेशद्वार निर्माण भएको ह।
मन्दिरमा सङ्कलन भएको भेटि र स्थानिय श्रमदानले उक्त गेट निर्माण भएको पनि उनले बताए।
