चलचित्र छक्का पञ्जा ५ को नयाँ गित सार्वजनिक
समाचारदाता : गोपाल पौडेल
२०८१ कार्तिक ०९ गते ।
धराने मिडिया : चलचित्र छक्का पञ्जा ५ ले आफ्नो तेस्रो गित "यो माया बनाउने को हो" युटुबमा सार्वजनिक गरेको छ।
कार्तिक ०९ गते दिउसो करिब ४ बजे ओ एस आर डिजिटल युटुब च्यानल मार्फत सार्वजनिक गरिएको उक्त म्युजिक भिडिओमा चलचित्रका मुख्य कलाकार दिपकराज गिरि र बर्षा शिवकोटिको प्रस्तुति देख्न सकिन्छ।
४ मिनेट ५१ सेकेन लामो प्रेम विधामा आधारित सो भिडिओ सार्वजनिक भएको छोटो समयमा नै चर्चा बटुल्न सफल भईरहेको छ।
छक्का पञ्जा ५ ले यो आफ्नो तेस्रौ गित सार्वजनिक गरेको हो। यस अघि चलचित्रले "बिहे भाको छैन" र "ब्रेकप सङ" नामको दुई गित सार्वजनिक गरिसकेको छ।
निशान भट्टराई र अस्मिता अधिकारीको स्वरमा निर्माण भएको उक्त म्युजिक भिडिओमा सम्भुजित बास्कोटाको संगीत र डा. क़ृष्ण हरि बरालको शब्द रहेको छ।
