जुवा तास खेल्ने १३ जनाको समुह पक्राउ
समाचारदाता : गोपाल पौडेल
विराटनगर, कार्तिक १० गते ।
धराने मिडिया : उदयपुर र मोरङ जिल्लाबाट जुवा तास खेल्ने १३ जनाको समुहलाई प्रहरीले पक्राउ गरेको छ ।
कार्तिक ८ गते दिउँसो उदयपुरको त्रियुगा नगरपालिका-९ स्थितमा रहेको बोईलर कुखुराको फर्ममा जुवा खेलिरहेको भन्ने बिशेष सुचनाको आधारमा जिल्ला प्रहरी कार्यालय उदयपुरबाट खटिएको प्रहरी टोलीले जुवा खेल्दै गरेको अवस्थामा त्रियुगा नगरपालिका-९ का ३७ बर्षीय र त्रियुगा-१५ का ३४ बर्षीय, त्रियुगा-११ का ५० बर्षीय, त्रियुगा-१२ का ५३ बर्षीय, त्रियुगा-१० का ४५ बर्षीय, त्रियुगा-१३ का ६२ बर्षीय, रौतामाई-७ का ३४ बर्षीय, रौतामाई-७ का ३५ बर्षीय र रौतामाई-५ का ४१ बर्षीय लाई पक्राउ गरेको हो ।
प्रहरीले जुवाको खालबाट नगद ४ लाख १४ हजार ५ सय ७५ रुपैयाँ र कौडा १६ थान समेत बरामद गरेको छ ।
त्यसैगरी मोरङको इलाका प्रहरी कार्यालय रंगेलीबाट खटिएको प्रहरी टोलीले सुनवर्षी नगरपालिका-९ स्थित घरमा जुवा तास खेलीरहेको अवस्थामा ५३ बर्षीय, ४७ बर्षीय, सुनवर्षी-६ का ३७ बर्षीय र रंगेली-७ का ४६ बर्षीय लाई नगद १ लाख ८२ हजार रुपैयाँ र ४ बुङ् तास सहित नियन्त्रणमा लिएको छ ।
पक्राउ परेका उनिहरुको आवश्यक कानुनी कारवाही भईरहेको छ ।
श्रोत : कोशी प्रदेश प्रहरी कार्यालय, बिराटनगर
