धरानबाट जुवा तास खेल्ने समुह पक्राउ
समाचारदाता : गोपाल पौडेल
विराटनगर, कार्तिक १५ गते ।
धराने मिडिया : इलाम र सुनसरी जिल्लाबाट जुवा तास खेल्ने १८ जनाको समुहलाई प्रहरीले पक्राउ गरेको छ ।
इलामको इलाम नगरपालिका-७ स्थितमा कात्तिक १४ गते दिउँसो जुवा खेलिरहेको भन्ने बिशेष सुचनाको आधारमा जिल्ला प्रहरी कार्यालय इलामबाट खटिएको प्रहरी टोलीले तास खेल्दै गरेको अवस्थामा इलाम -६ का ४४ वर्षीय, ३७ बर्षीय, ४२ बर्षीय, ४० बर्षीय, ४१ बर्षीय, इलाम-७ का २७ बर्षीय, ३० बर्षीय, इलाम-८ का ३३ बर्षीय, ३५ बर्षीय, इलाम-६ का ४० बर्षीय, इलाम-३ का २८ बर्षीयलाई पक्राउ गरेको हो ।
प्रहरीले जुवाको खालबाट नगद २ लाख ४५ हजार ३ सय ६० रुपैयाँ र १० बुङ तास समेत बरामद गरेको छ ।
यसैगरी इलाका प्रहरी कार्यालय धरानबाट खटिएको प्रहरी टोलीले सुनसरी धरान उप-महानगरपालिका-१ आदर्श मार्ग स्थित घरमा अवैध जुवातास खेलिरहेको अवस्थामा धरान-१ का ३१ बर्षीय, ३१ बर्षीय, २९ बर्षीय, ३५ बर्षीय, धरान-१६ का २९ बर्षीय, धरान-१५ का ३२ बर्षीय र धरान-१२ का ३६ बर्षीयलाई नगद ४७ हजार २ सय र १ बुङ तास सहित नियन्त्रणमा लिएको हो ।
पक्राउ परेका उनिहरुको आवश्यक कानुनी कारवाही भईरहेको छ ।
श्रोत : कोशी प्रदेश प्रहरी कार्यालय, बिराटनगर
