प्रतिबन्धित लागुऔषध सहित १ जना पक्राउ
समाचारदाता : गोपाल पौडेल
विराटनगर, कात्तिक १९ गते ।
धराने मिडिया : झापाको मेचीनगर नगरपालिका- ६ पुरानो मेचीपुल स्थितबाट प्रतिबन्धित लागुऔषध सहित १ जनालाई प्रहरीले पक्राउ गरेको छ ।
कात्तिक १७ गते साँझ लागू औषध नियन्त्रण व्यूरो काँकरभिट्टाबाट खटीएको प्रहरी टोलीले चेकजाँचको क्रममा झापा कनकाई नगरपालिका- ६ का ३४ बर्षीय बिक्रम हस्दाको साथबाट ५ ग्राम ६ सय मिलिग्राम लागुऔषध ब्राउन सुगर फेला पारी नियन्त्रणमा लिएको हो ।
प्रतिबन्धित लागुऔषध सहित पक्राउ परेको हास्दाको सम्बन्धमा थप अनुसन्धान भईरहेको छ ।
श्रोत : कोशी प्रदेश प्रहरी कार्यालय, बिराटनगर
