प्रतिवन्धित लागुऔषध सहित ६ जना पक्राउ
समाचारदाता : गोपाल पौडेल
विराटनगर, कार्तिक २२ गते ।
धराने मिडिया : झापा, मोरङ, पाँचथर र उदयपुरबाट प्रतिवन्धित लागुऔषध ब्राउनसुगर, निषेधित औषधी र गाँजा सहित ६ जनालाई प्रहरीले पक्राउ गरेको छ ।
कार्तिक २० गते झापाको इलाका प्रहरी कार्यालय दमकबाट खटिएको प्रहरी टोलीले दमक नगरपालिका-६ बसपार्क स्थितबाट इलाम चुलाचुली-५ का ४२ बर्षीय राजेन्द्र राईलाई ४ ग्राम ब्राउन सुगर सहित र मेचीनगर नगरपालिका-६ स्थित मेचीपुलबाट लागु औषध नियन्त्रण व्युरो काँकरभिट्टाको प्रहरी टोलीले शिवसताक्षी नगरपालिका-१ का २७ बर्षीय पुकार तामाङलाई ६ ग्राम ब्राउन सुगर सहित नियन्त्रणमा लिएको छ।
यसै गरी मोरङको विराटनगर महानगरपालिका-१५ स्थितबाट कानेपोखरी-५ का २२ को युसन बि.क.लाई १ ग्राम ६२ मिलिग्राम ब्राउन सुगर सहित लागुऔषध नियन्त्रण व्युरो विराटगनरको टोलीले र रतुवामाइ नगरपालिका-१ स्थितबाट मोरङ मिक्लाजुङ-७ का १९ बर्षीय सरोज लिम्वु र २२ बर्षीय राज मगरलाई नाईट्राजेपाम १०० ट्यावलेट, ट्रामाडोल २०० ट्यावलेट सहित इलाका प्रहरी कार्यालय सिजुवाले नियन्त्रणमा लिएको छ।
त्यस्तैगरी उदयपुरको अस्थायी प्रहरी बिट आमबासीबाट खटिएको प्रहरी टोलीले चेकजाँचको क्रममा ८ किलोग्राम गाँजा सहित को. ३८ प १८५ नम्वरको मोटरसाईकल र चालक बेलका नगरपालिका-६ का ३८ बर्षीय लोकेन्द्र राईलाई नियन्त्रणमा लिएको छ ।
लागुऔषध सहित पक्राउ पेका उनिहरुको थप अनुसन्धान तथा कानुनि कारवाही भईरहेको छ ।
श्रोत : कोशी प्रदेश प्रहरी कार्यालय, बिराटनगर
