धरान मेघा कलेजले जित्यो इस्पोट प्रतियोगिता
समाचारदाता : गोपाल पौडेल
२०८१ कार्तिक २६ गते।
धराने मिडिया : धरानमा आयोजना भएको प्रथम अन्तरकलेज इस्पोट प्रतियोगिता धरान मेघा कलेजले जित्न सफल भएको छ।
इस्पोट अन्तर्गतको "मोबाइल लेजेट" नामको मोबाइल गेममा सो प्रतियोगिता भएको थियो।
कार्तिक २० देखि २४ गते सम्म धरान-८ स्थित लिम्स गाडेनमा ५ दिन निरन्तर भएको उक्त प्रतियोगितामा महेन्द्र बहुमुखी कलेज दोस्रो र होलि ल्याण्ड कलेज तेस्रो भएका थिए।
विजेताहरुलाई प्रथम पुरस्कार नगद रु १०,०००/- , मेडल र सटिफिकेट र गेममा ९००० डाइमन, दोस्रो पुरस्कार नगद रु ५०००/-, मेडल र सटिफिकेट र गेममा ५४०० डाइमन र तेस्रो पुरस्कार मेडल र सटिफिकेट, सेचन पार्कको निशुल्क भौचर र गेममा ३००० डाइमन दिइएको थियो।
धरान बजद्वारा आयोजित उक्त प्रतियोगितामा धरानको फ्रेन्ड सिनेमा, मोबाइलमाण्डु र चलचित्र पुर्ण बहादुर सारङ्गीले सहयोग गरेका थिए।
