सुनसरीको बिभिन्न स्थानहरुबाट प्रतिवन्धित लागुऔषध सहित ७ जना पक्राउ
समाचारदाता : गोपाल पौडेल
सुनसरी, मंसिर ०६ गते ।
धराने मिडिया : सुनसरीको बिभिन्न स्थानहरुबाट प्रतिवन्धित लागुऔषध सहित ७ जनालाई प्रहरीले पक्राउ गरेको छ।
लागुऔषध नियन्त्रण व्यूरो विराटनगर र इलाका प्रहरी कार्यालय लौकही सुनसरीको संयुक्त प्रहरी टोलीले मंसिर ५ गते सुनसरी कोशी गाउँपालिका-१ छोटी भन्सार कार्यालय अगाडीबाट भोक्राहा नरसिंह गाउँपलालिका-२ का १९ बर्षीय साजन सदालाई १ ग्राम ९० मिलिग्राम लागुऔषध ब्राउनसुगर, सुनसरी बराहक्षेत्र नगरपालिका-९ का २२ बर्षीय शिव चन्द्रवंशी र २० बर्षीय अभिशेक चन्द्रवंशीलाई २ ग्राम लागुऔषध ब्राउनसुगर, भारतबाट नेपाल तर्फ को १४ प १९१७ नम्बरको मोटरसाईकलमा आउँदै गरेका भोक्राहा नरसिंह-५ का १९ बर्षीय नजाम मन्सुरीलाई ८३ मिलिग्राम लागुऔषध ब्राउनसुगर र प्रदेश १-०१-०१३ प ७६१५ नम्बरको मोटरसाईकलमा चालक सुनसरी इटहरी उप-महानगरपालिका-२ का ४० बर्षीय अमित गुरुङ र पछाडी सवार ४० बर्षीय हुकुम राईलाई १ ग्राम ६ मिलिग्राम लागुऔषध ब्राउनसुगर सहित नियन्त्रणमा लिएको हो।
त्यस्तैगरि इलाका प्रहरी कार्यालय चतराले लागुऔषध ट्रामोल २६ क्याप्सुल सहित बराहक्षेत्र नगरपालिका-२ का ३३ बर्षीय पवन राईलाई नियन्त्रणमा लिएको हो।
प्रतिवन्धित लागुऔषध सहित पक्राउ परेका सबैजनाको सम्बन्धित प्रहरी कार्यालयहरुबाट थप अनुसन्धान भईरहेको छ ।
श्रोत : कोशी प्रदेश प्रहरी कार्यालय, बिराटनगर
