हायस गाडीको ठक्करबाट साईकलयात्रीको मृत्यु
समाचारदाता : गोपाल पौडेल
मोरङ, मंसिर ११ गते ।
धराने मिडिया : मोरङको सुन्दरहरैचा नगरपालिका-५ दुलारी स्थित पुर्व पश्चिम लोकमार्गमा हायस गाडीको ठक्करबाट साईकलयात्रीको मृत्यु भएको छ ।
मंसिर ९ गते दिउँसो इटहरीबाट गछिया तर्फ जादै गरेको बा. प्र ०८-००१ च ०४७ नम्बरको हायस गाडीले दक्षिणबाट उत्तर तर्फ साईकलमा बाटो काट्दै गरेका सुन्दरहरैचा-४ का ४४ बर्षीय चन्द्र कुमार राईलाई ठक्कर दिई गम्भिर घाईते भएकोमा बि.पि. कोईराला स्वास्थ्य बिज्ञान प्रतिष्ठान धरानमा उपचारको क्रममा उनको मृत्यु भएको हो ।
हायस र हायस चालक झापा भद्रपुर नगरपालिका-८ का २६ बर्षिय बिशाल दासलाई इलाका प्रहरी कार्यालय बेलबारीले नियन्त्रणमा लिएको छ ।
