लागुऔषध सहित २ जना पक्राउ
समाचारदाता : गोपाल पौडेल
इलाम, २०८१ मंसिर २० गते।
धराने मिडिया : इलामको सुर्योदय नगरपालिका- ८ स्थितबाट लागुऔषध सहित २ जनालाई प्रहरीले पक्राउ गरेको छ ।
पक्राउ पर्नेमा स्थानीय २४ बर्षीय हिमाल शाक्य र २४ बर्षीय बिकाश भुजेल रहेका छन् ।
मंसिर १८ गते दिउँसो प्रहरी चौकी फिक्कलबाट खटिएको प्रहरी टोलीले चेकजाँचको क्रममा हिमाल शाक्यको घरको कोठा खानतलासी गर्दा २०० मिलिग्राम ब्राउन सुगर, गाँजा ५० ग्राम, नेपाली रुपैया नगद १५ हजार ८ सय ५० र भारतीय रुपैँया ३ हजार ८ सय तथा बिभिन्न कम्पनीको ६ थान मोबाईल सहित दुवै जनालाई पक्राउ गरेको हो ।
पक्राउ परेका उनिहरुको जिल्ला प्रहरी कार्यालय इलामबाट थप अनुसन्धान भइरहेको छ ।
श्रोत : कोशी प्रदेश प्रहरी कार्यालय, बिराटनगर
