जुनियर मिस्टर एण्ड मिस धरानको दोस्रो अडिसन सम्पन्न (भिडियो सहित)
समाचारदाता : गोपाल पौडेल
२०८१ मङ्सिर २२ गते।
धराने मिडिया : ड्र्म मोडेलिङ एजेन्सीद्वारा आयोजित चौथो जुनियर मिस्टर एण्ड मिस धरान प्रतियोगिताको दोस्रो अडिसन सम्पन्न भएको छ।
मङ्सिर २२ गते शनिबार धरान-१३ स्थित दि धरान भ्युउ रेस्टुरेन्टमा भएको अडिसन कार्यक्रममा ७० भन्दा बढी धरानका विभिन्न विद्यालयबाट ७ देखि १४ वर्ष सम्म उमेर समूहका बालबालिकाको सहभागी भएका थिए।
अडिसनमा सहभागी बालबालिकाहरुले नित्य, गाना र विभिन्न अन्य आफ्ना कलाहरु प्रस्तुत गरेका थिए। हरेक सहभागी प्रतियोगीलाई १ देखि २ मिनेट समय उपलब्ध गराइएको थियो। यस समयमा उनिहरुले आफ्नो परिचय र निर्णायकहरुको सोधिएको प्रश्नको उत्तर दिएका थिए।
प्रतियोगिताको पहिलो अडिसन मङ्सिर १५ गते शनिबार धरान-१० स्थित हाङ्कुक रेस्टुरेन्टमा सम्पन्न भएको थियो।
यस दोस्रो अडिसनमा मिसेस धरान आइकोन २०८१ का विजेता डाक्टर सगुन खनाल, धरान मेघा कलेजका निर्देशक रोशन श्रेष्ठ, सामाजिक अभियानता सिमा राई, प्रेसिडेन्ट लायन्स क्लबको भेडेटार पाथिभरा प्रन्य निरौला र मिसेस स्टेट २०१८ फाइनलिट सिम्रन वाइबा तामाङ निर्णायकमा रहेका थिए।
प्रतियोगिता प्रथम विजेतालाई नगत रु २५ हजार, दोस्रोलाई रु १५ हजार र तेस्रोलाई रु १० हजार साथै अन्य विभिन्न पुरस्कार रहेको छ।
