धरानमा दुई दिने मार्चपास तथा नटिङ क्याम्प हुने
समाचारदाता : गोपाल पौडेल
२०८१ पुस ०८ गते ।
धराने मिडिया : धरान स्थानीय स्काउट कार्यालयले यही मिति २०८१/०९/१३, १४ , १५ गते दुई रात तीन दिनको मार्चपास तथा नटिङ क्याम्पको आयोजना गर्न लागेको छ।
धरानभरिका निजी तथा सरकारी विद्यालयका स्काउटमा आबद्ध विद्यार्थीहरुको सीप र कौशल विकासका लागि कार्यक्रम गर्न लागिएको कुरा स्थानीय शैक्षिक पद्धति आयुक्त तथा क्याम्प संयोजक सुमन महतोले जानकारी दिनुभयो।
स्थानीय स्काउट कार्यालय धरान १३ मा आयोजना हुने कार्यक्रमको क्याम्प चिफ सहायक राष्ट्रिय प्रशिक्षक तथा कोसी प्रदेश शैक्षिक पद्धति आयुक्त सुशील राई रहनु हुने छ।
यस प्रकृतिको विशेष क्याम्पले विद्यार्थीहरुमा अनुशासन, आत्मविश्वास, शारीरिक र मानसिक विकास जस्ता जीवनोपयोगी सीप विकास हुने कुरा स्थानीय सुशासन, स्रोत विकास तथा वित्त आयुक्त सुर्य सुनुवारले जानकारी दिनुभयो ।
कबाज सिकाउनका लागि विज्ञ सुरक्षाकर्मीहरुबाट सहयोग लिइने बताइएको छ।
