धरान-१६ को चिया पसलबाट लागुऔषध सहित पक्राउ
समाचारदाता : गोपाल पौडेल
विराटनगर, पुस ०९ गते ।
धराने मिडिया : मोरङ र सुनसरीबाट लागुऔषध ब्राउन सुगर र निषेधित औषधी सहित २ जनालाई प्रहरीले पक्राउ गरेको छ ।
पुस ०७ गते मोरङको धनपालथान गाउँपालिका- ४ स्थित भित्रि सडक खण्डमा लागुऔषध बेचबिखन भईरहेको छ भन्ने विशेष सुचनाको आधारमा इलाका प्रहरी कार्यालय रंगेली र लागुऔषध नियन्त्रण ब्युरो विराटनगरबाट खटिएको प्रहरी टोलीले धनपालथान-३ का ३५ बर्षीय दिपेन्द्र मण्डलको साथबाट २५ ग्राम र उनको घर समेत खानतलासी गर्दा ३५ ग्राम १०० मिलिग्राम ब्राउन सुगर फेला पारी नियन्त्रणमा लिएको हो ।
त्यसैगरी वडा प्रहरी कार्यालय धरानले धरान-१६ स्थितमा रहेको चिया पसलबाट पसल संचालिका धरान-११ की ४२ बर्षीया उषा लिम्बुलाई ट्रामाडोल ६ सय क्याप्सुल र स्पास्पेन ६ सय ट्याब्लेट सहित नियन्त्रणमा लिएको छ।
लागुऔषध सहित पक्राउ परेका उनिहरुको सम्बन्धमा थप अनुसन्धान भईरहेको छ ।
श्रोत : कोशी प्रदेश प्रहरी कार्यालय, बिराटनगर
