लसुने बजारबाट प्रतिबन्धित लागुऔषध सहित १ जना पक्राउ
समाचारदाता : गोपाल पौडेल
तेह्रथुम, पुस १० गते ।
धराने मिडिया : तेह्रथुमको लालीगुराँस नगरपालिका-७ लसुने बजारबाट प्रतिबन्धित लागुऔषध सहित १ जनालाई प्रहरीले पक्राउ गरेको छ।
पुस ०८ गते सोहि स्थानका २७ बर्षीय नविन लिम्बुले लागुऔषध बिक्रीवितरण गरिरहेको छ भन्ने सुचनाको आधारमा जिल्ला प्रहरी कार्यालय तेह्रथुम र इलाका प्रहरी कार्यालय बसन्तपुरबाट खटिएको प्रहरी टोलीले घर कोठा खानतलासी गर्दा कोठा भित्रबाट लुकाई छिपाई राखेको अवस्थामा Dicyclomine र Tramadol ३ सय १६ चक्की सहित नियन्त्रणमा लिएको हो।
पक्राउ परेका उनको थप अनुसन्धान तथा कानुनि कारवाही भईरहेको छ ।
श्रोत : कोशी प्रदेश प्रहरी कार्यालय, बिराटनगर
