माउण्ट हर्मन स्काउटको सत्रौं दीक्षान्त सम्पन्न
समाचारदाता : गोपाल पौडेल
२०८१ पौष १९ गते ।
धराने मिडिया : धरान १८ स्थित माउण्ट हर्मन एकेडेमीमा सन्चालित माउण्ट हर्मन स्काउट प्याक/ दलको सत्रौं दीक्षान्त समारोह सम्पन्न भएको छ।
विद्यालयका प्रिन्सिपल एवम् ईकाइ अध्यक्ष क्षितिज पाख्रिनको अध्यक्षतामा सम्पन्न समारोहमा नेपाल स्काउट, कोशी प्रदेशका शैक्षिक पद्दती आयुक्त सुशील राई, धरानका स्थानीय प्रमुख आयुक्त मधुसूदन घिमिरे, प्रदेश परिषद् सदस्य गोपाल पौडेलको आतिथ्यता रहेको थियो।
समारोहमा ३७ कव/ व्राउनी तथा स्काउटहरु दीक्षित हुदैं स्कार्फ तथा व्याज प्राप्त गरे । विद्यालयमा वि स २०६८ सालदेखि सन्चालित स्काउटले गरेका प्रगतिको चर्चा समेत गरिएको समारोहमा विद्यालयका प्रशासक नवीन राईले स्वागत मन्तव्य राख्नुभएको थियो भने सन्चालन स्काउटर हेमन्त भण्डारीले गर्नुभएको थियो।
समारोहमा स्थानीय सुशासन स्रोत विकास तथा वित्त आयुक्त सूर्यकुमार सुनुवार, रेन्जर नवीना मग्राती लगायतको उपस्थिति रहेको थियो।
