धरान-२० स्थित चेकजाँचको क्रममा पक्राउ
समाचारदाता : गोपाल पौडेल
विराटनगर, २०८१ पौष १९ गते ।
धराने मिडिया : झापा र सुनसरीबाट लागुऔषध सहित ५ जनालाई प्रहरीले पक्राउ गरेको छ ।
पुस १७ गते साँझ ७ बजे झापाको मेचिनगर नगरपालिका-६ स्थित लागुऔषध नियन्त्रण ब्यूरो काँकरभिट्टाबाट खटिएको प्रहरी टोलीले पथरीशनिश्चरे नगरपालिका-९ का ३१ बर्षीय जित बहादुर चौहान र २४ बर्षीय सुजित राईलाई शंकास्पद अवस्थामा फेला पारी चेकजाँच गर्दा उनिहरुको साथबाट ५ ग्राम १७० मिलिग्राम ब्राउन सुगर बरामद गरेसगै नियन्त्रणमा लिएको हो ।
त्यस्तै अस्थायी प्रहरी चौकी बिष्णुपादुका सुनसरीबाट खटिएको प्रहरी टोलीले धरान-२० स्थित चेकजाँचको क्रममा धनकुटाबाट धरानतर्फ आउदै गरेको को. १ ज ३१५८ नम्बरको पिकअपमा ५६ किलो ४०५ ग्राम गाँजा फेला पारी पिकअप चालक सोहि स्थानका ३४ बर्षीय कमल राई, पिकअपमा सवार २३ बर्षीय प्रदिप राई र धनकुटा सागुरगढीका २० बर्षीय राजु बिश्वकर्मालाई पक्राउ गरेको हो ।
पक्राउ परेका उनिहरुको सम्बन्धमा थप अनुसन्धान भईरहेको छ ।
श्रोत : कोशी प्रदेश प्रहरी कार्यालय, बिराटनगर
