मिस्टर एण्ड मिस एस.ई.ई धरानको दोस्रो अडिसन सम्पन्न
समाचारदाता : गोपाल पौडेल
२०८१ चैत्र २१ गते ।
धराने मिडिया : ग्रेस इभेट्सद्वारा आयोजित मिस्टर एण्ड मिस एस.ई.ई धरान २०८१ को दोस्रो अडिसन सम्पन्न भएको छ।
चैत्र २० गते बुधवार धरान-९ स्थित हाङ्कुक सराङ कोरियन रेस्टुरेट् एण्ड बारमा भएको अडिसन कार्यक्रममा धरानका विभिन्न विद्यालयबाट यस वर्ष एस.ई.ई मा सहभागी हुने समूहका विद्यार्थीको सहभागी भएका थिए।
अडिसनमा सहभागी विद्यार्थीहरुले नित्य, गाना र विभिन्न अन्य आफ्ना कलाहरु प्रस्तुत गरेका थिए। हरेक सहभागी प्रतियोगीलाई १ देखि २ मिनेट समय उपलब्ध गराइएको थियो। यस समयमा उनिहरुले आफ्नो परिचय र निर्णायकहरुको सोधिएको प्रश्नको उत्तर दिएका थिए।
प्रतियोगिताको पहिलो अडिसन फागुन १७ गते शनिबार धरान-७ स्थित बुद्ध मार्गमा सम्पन्न भएको थियो।
प्रतियोगिता प्रथम विजेतालाई नगत रु २५ हजार, दोस्रोलाई रु १५ हजार र तेस्रोलाई रु १० हजार साथै अन्य विभिन्न पुरस्कार रहेको छ।
यस दोस्रो अडिसनमा मिस ग्रेस एयर होस्टेस २०२५ का विजेता लसता महर्जन, मेघा इन्टरनेसनल कलेजका निर्देशक रोशन श्रेष्ठ, मिसेस स्टेट-१ २०१८ कि फाइनलिस्ट सिम्रन वाइबा तामाङ, यु एन कलेजका संयोजक गगनमान श्रेष्ठ र सामाजिक अभियन्ता मु्ना राई निर्णायकमा रहेका थिए।
