युवा महिलाको विषयमा धरानमा एक दिने छलफल कार्यक्रम सम्पन्न
समाचारदाता : गोपाल पौडेल
२०८२ वैशाख ०९ गते।
धराने मिडिया : युवा महिलालाई स्वच्छ र सफा पानी किन महत्वपूर्ण छ भन्ने विषयमा धरानमा एक दिने छलफल कार्यक्रम सम्पन्न भएको छ ।
धरान उपमहानगरपालिकाको हलमा सम्पन्न कार्यक्रममा विपि स्वास्थ्य विज्ञान प्रतिष्ठानकी स्त्री रोग विशेषज्ञ डाक्टर पृथा वस्नेतले युवा महिला तथा वालिकाहरुलाई दैनिक जीवनमा मात्र नभएर महिनावारीको र गर्भावस्थाका समयमा झन् वढी महत्वपूर्ण रहेको वताउनुभयो ।
स्थानीय प्रमुख आयुक्त मधुसूदन घिमिरेको सभापतित्वमा सम्पन्न कार्यक्रममा स्थानीय स्काउटका प्रमुख स्काउट एवम् उपप्रमुख अईन्द्रविक्रम वेघा प्रमुख अतिथि रहनुभएको थियो ।
नेपाल स्काउटका कोशी प्रदेश प्रमुख आयुक्त हेमन्त भण्डारी, प्रदेश शैक्षिक पद्दती आयुक्त शुशील राई, प्रदेश परिषद् सदस्य गोपाल पौडेल, स्काउटर वव्लुकुमार साह, दीक्षा राई, नीशा योगी लगायतको उपस्थिति रहेको थियो ।
U4SDGS की संयोजक नवीना मङ्ग्रातीले कार्यक्रमको संयोजन गर्नुभएको थियो भने कार्यक्रम सञ्चालन स्काउटर वविता गुरुङले गर्नुभएको थियो ।
