धरानमा ट्रक र बस दुर्घटना हुदा ४ घाइते
समाचारदाता : गोपाल पौडेल
२०८२ असोज २६ गते ।
धराने मिडिया : धरान–८ स्थित सेउती पुलनजिक ट्रक र बस एकआपसमा ठोक्किँदा चार जना घाइते भएका छन्।
सडकछेउमा पार्किङ गरिएको को १ क ६५४४ नम्बरको बसलाई धनकुटाबाट मोरङ जाँदै गरेको को १ ख ७७८६ नम्बरको मालवाहक ट्रकले ठक्कर दिदा दुर्घटना भएको थियो।
इलाका प्रहरी कार्यालय धरानका अनुसार ट्रक चालक सुन्दरहरैचा ५ का नेत्र गौतम र सहचालक सुजन तामाङ घाइते भएका छन् ।
त्यस्तै दुर्घटनामा स्कुटी चालक सुमना राई र पछाडि सवार सुबास राई पनि घाइते भएका छन्।
