कार्तिक महिनाको सर्वोत्कृष्ट प्रहरी घोषित उच्च मूल्याङ्कन गर्दै २०८२ साल कार्तिक “महिनाको सर्वोत्कृष्ट प्रहरी” (BEST POLICE OF THE MONTH) घोषणा गरिएको हो ।

कार्तिक महिनाको सर्वोत्कृष्ट प्रहरी घोषित

समाचारदाता : गोपाल पौडेल

विराटनगर, २०८२ मङ्सिर ०७ गते ।

धराने मिडिया : कोशी प्रदेश प्रहरी कार्यालय विराटनगरले इलाका प्रहरी कार्यालय झिलझिले झापामा कार्यरत प्रहरी निरीक्षक सुभाष के.सी.लाई कार्तिक “महिनाको सर्वोत्कृष्ट प्रहरी” (BEST POLICE OF THE MONTH) घोषित गरेको छ ।

विभागीय मूल्य-मान्यता, आदेश-निर्देशनको पालना गरी उच्च मनोबल र साहसका साथ आफ्नो पदीय कर्तव्य निर्वाह गर्ने क्रममा  प्रहरी निरीक्षक सुभाष के.सी. ले कार्तिक ९ गते झापा अर्जुनधारा नगरपालिका-४ स्थित दहिझोडा सामुदायिक वनमा झापा शिवसताक्षी नगरपालिका-१० का ३३ बर्षीय सरोज शर्मालाई अपहरण शरिर बन्धक ज्यान सम्बन्धी कसुरमा अनुसन्धानको क्रममा शंकित ब्यक्तिहरुको पहिचान तथा निगरानी गरी कार्तिक १३ गते मेचीनगर नगरपालिका-१३ स्थित सामुदायिक वनमा मृतक सरोज शर्माले प्रयोग गरेको गाडी जलाएको अवस्थामा फेलापारी घटनाको सूक्ष्म अध्ययनको क्रममा शंकित व्यक्तिहरू पक्राउ गर्न सफल भई मृतकको लाश गाडेको स्थान समेत पहिचान गरी  उक्त स्थानमा उत्खनन गरी लाश फेला पारी अनुसन्धानलाई थप प्रमाणमुखी बनाउन सफल भएको साथै उक्त घटनालाई लिएर पीडित र स्थानीय ब्यक्तिहरुले प्रतिवादीहरुको घर तथा सम्पतिमा  तोडफोड तथा आगजनी गर्ने प्रयास गर्दा समेतआफ्नो कमाण्डमा टोली परिचालन गरी अक्रोसित भिडलाई नियन्त्रण गरी घटना घट्न नदिई धन-जनको क्षतिबाट बचाउनुका साथै पिडित तथा प्रतिवादी दुबैका परिवार समेतलाई सकुसल उद्दार गरी समाजमा शान्ति सुरक्षा कायम राख्न अहम् भुमिका निर्वाह गरेको हुँदा निज प्रहरी निरीक्षकबाट सम्पादित कार्यको उच्च मूल्याङ्कन गर्दै २०८२ साल कार्तिक “महिनाको सर्वोत्कृष्ट प्रहरी” (BEST POLICE OF THE MONTH) घोषणा गरिएको हो ।