मङ्सिर १२ मा चलचित्र "हर्ष"
समाचारदाता : गोपाल पौडेल
२०८२ मङ्सिर ०८ गते ।
धराने मिडिया : अमेरिकामा फिल्म मेकिङ पढेर आएकी एकता पौडेलको निर्देशनमा बनेको फिल्म ‘हर्ष’ यही मंसिर १२ गतेबाट प्रदर्शनमा आउँदैछ।
चलचित्र प्रचारप्रसारका क्रममा शुक्रबार फिल्मको टोलीले पूर्वी नेपालको झापास्थित विभिन्न शैक्षिक संस्थाहरूमा पुगेर विद्यार्थीहरूसँग अन्तरक्रिया समेत गरेको थियो।
सिनेमाले पछिल्लो समय नेपाली सिनेमामा पारिवारिक सिनेमाको ट्रेण्ड घट्दै गएकाले पनि आफुले यो विधा रोजेको निर्देशक पौडेलले बताइन् ।
चलचित्र पारिवारिक कथामा बनेको छ। चलचित्रको सम्पूर्ण छायांकन नै चितवन गरिएको हो।
आलोक शुक्लाले छायांकन गरेको चलचित्रमा समीर र हिमाल, वसन्त सापकोटा तथा एलिश कार्कीको संगीत, लोकेश बज्राचार्यको सम्पादन तथा सुनिल क्षेत्री र निर्देशक पौडेलको कोरियोग्राफीमा रहेको छ।
चलचित्रमा खगेन्द्र र वर्षासँग नीर शाह, सन्तोष पन्त, शर्मिला मल्ल, माओत्से गुरुङ, विशाल पहाडी, निमा पाण्डे, लुनिभा तुलाधर, अंशु महर्जनलगायतको अभिनय छ ।
