धनमाया माङ्देनको "प्रेम कहानी" पालम गित सार्वजनिक
समाचारदाता : गोपाल पौडेल
२०८२ मङ्सिर १२ गते ।
धराने मिडिया : बिहिबार साँझ धरानमा एक कार्यक्रमको आयोजना गर्दै मौलिक संस्कृतिमा आधारित पालाम गीत ‘प्रेम कहानी’ सार्वजनिक गरिएको छ ।
सार्वजनिक गरिएको पालम गीतमा लेखन र स्वर दुवै गायिका धनमाया माङ्देनको रहेको छ।
गीतको सार्वजनिक भिडियोमा नरकुमार नयाङ, खगेन्द्र थलङ, जमुना वानेम, सन्चमाया पन्धक, राम लिंगथेप, गजेन्द्र जबेको, राजकुमार लिम्बु, दीप थक्लुङ, याम सुब्बा, आइतारा लिम्बु, आशा युवाहाङ, गोमा लिम्बू, शान्ति नाल्बो, बिन्दा नाल्बो, कर्ण सम्बाहाम्फे, सोम सिरिङ, विष्णु हाङगाम, प्रेम कुमारी थलङ, हस्तबहादुर लिङदम, सन्चरानी मादेन, मनमाया खापुङ मादेन, रिता मादेन थलङ, ललिता केदेम, सन्चमाया वरुङहाङ, सन्चमाया पङ्घाक, रोजी लिम्बु र बाल कलाकारहरू इक्सा तेम्बुङ र मिक्थुङ नाल्बो लगायतले अभिनय गरेका छन् ।
कार्यक्रममा प्रमुख अतिथि याक्थुङ चलचित्रकर्मी संघ नेपालका अध्यक्ष नबिन मेन्याङ्बो रहनु भएको थियो। उनले दिप प्रज्वलन गरेर कार्यक्रमको आधिकारिक सुरुवात गरेका थिए।
३७ मिनेट ५७ सेकेन्ड लामो म्युजिकल फिल्म सार्वजनिक गर्दै अध्यक्ष मेन्याङ्बोले यसले कला र संस्कृतिलाई प्रवर्द्धन गर्ने बताए । उनले गीतसङ्गीतले समाजमा प्रभाव पार्ने भएको हुँदा यसमार्फत कला, संस्कृतिलाई समेट्दै सकारात्मक प्रभाव पार्ने कार्य गर्न आग्रह गरे ।
उनले भने, ‘लिम्बू समुदायले गाउने पालाम र ख्यालीको विशेष महत्व छ । पालामसँग लिम्बूहरुको सांस्कृतिक पहिचान जोडिएको छ । पहिचानसँग जोडिएका हरेक कलाको संरक्षण र सम्वर्द्धन गर्न आवश्यक छ ।’
कार्यक्रममा निर्देशक तथा कलाकार प्रकाश लिम्बु, स्टुडियो संचालक सोनम तामाङ, कलाकार सुनिता तामाङ, गोमा लिम्बु, रोजि राई, टिकाराम कुरुङबाङ र बाल कलाकार सारा राईको उपस्थिति रहेको थियो।
कार्यक्रम नित्य निर्देशक तथा कलाकार सानुराजा थेगिमले संचालन गरेका थिए।
कार्यक्रम धनमाया माङ्देनको आफ्नै निज निवास धरान-१९ स्थित सिलामसाक्मा चोकमा सम्पन्न भएको थियो।
