मिलन भुजेलकाे ‘बैँसको लाली’ सार्वजनिक
समाचारदाता : गोपाल पौडेल
२०८२ मङ्सिर १४ गते ।
धराने मिडिया : मिलन भुजेलकाे नयाँ गीत ‘बैँसको लाली’ सार्वजनिक भएको छ। आधुनिक शैलीमा तयार गरिएको यस गीतले गाउँघरको परिवेश, सामाजिक सम्बन्ध र आमा–छोरीको माया–ममतालाई मुख्य विषयवस्तुका रूपमा प्रस्तुत गरेको छ।
गाउँको साधारण जीवन, काखीघर, खेतबारी, दैनिकी र सामाजिक बन्धनहरुलाई समेटेर तयार गरिएको भिडियोले गीतको भावनात्मक तानलाई अझै प्रस्ट्याएको छ।
गीतका शब्द र संगीत मिलन भुजेलकै हुन्। भिडियोमा रेश्मा बान्तवा राई तथा प्रिन्सा मगर अभिनीत छन्। रेश्माले आमाको अभिनय गरेकी छिन् भने प्रिन्साले छाेरीकाे अभिनय गरेकी छिन्। भिडियो इकयाम नामक युट्युब च्यानलमा सार्वजनिक गरिएको छ।
गीतमा केशु नुगो र निशान बासाखाेराले गिटार, सनिश महर्जनले बेस गिटार, इनोस थापा मगरले ड्रम्स र मिक्स–मास्टेरिङ, तथा सोहन निङ्लेकु लिम्बूले प्रोडक्सन सम्हालेका छन्।
सार्वजनिक भएको केही दिनमै गीतले दर्शक र श्रोताबाट सकारात्मक प्रतिक्रिया पाएको छ।
