धरान- १८ र १३ बाट लागू औषध सहित पक्राउ
समाचारदाता : गोपाल पौडेल
विराटनगर, २०८२ पौष २० गते ।
धराने मिडिया : झापा र सुनसरी जिल्लाको बिभिन्न स्थानहरुबाट लागू औषध सहित ६ जनालाई प्रहरी पक्राउ गरेको छ ।
पुस १८ गते बिशेष सुचनाको आधारमा झापाको अर्जुनधारा नगरपालिका-११ स्थितमा अस्थायी प्रहरी पोष्ट बसपार्कबाट खटिएको प्रहरी टोलीले सोहि स्थानकी अनु बोहरा, पारस श्रेष्ठ, पाँचथर फिदिम नगरपालिका- १ का संजय लिम्बु र अर्जुनधारा- ६ का लेखराज गुरुङलाई ३० मिलिग्राम ब्राउन सुगर सहित पक्राउ गरेको हो ।
त्यस्तै सुनसरीको धरान- १८ बाट इलाका प्रहरी कार्यालय धरानले ट्रामाडोल र स्पास्मो गरि जम्मा ९०० पिस सहित धरान- १० का युवराज कार्कीलाई र धरान- १३ बाट डाइजोपाम १८ एम्पुल सहित सोहि स्थानका सानु सुनुवारलाई नियन्त्रणमा लिएको हो ।
पक्राउ परेका उनिहरुको थप अनुसन्धान भईरहेको छ ।
श्रोत : कोशी प्रदेश प्रहरी कार्यालय, बिराटनगर
