भोजपुरमा नेपाली सेना सवार बस दुर्घटना हुँदा २३ जना घाइते
समाचारदाता : गोपाल पौडेल
२०८२ फागुन ६ गते ।
धराने मिडिया : भोजपुरमा चुनावी सुरक्षा गस्तीका लागि हिँडेको नेपाली सेना सवार बस दुर्घटनामा परेको छ ।
फागुन २१ गते हुने प्रतिनिधि सभा निर्वाचनको सुरक्षाका लागि सदरमुकामस्थित नयाँ श्रीनाथ गणबाट निस्किएको बस भोजपुर नगरपालिका-३, सेती बगर नजिक दुर्घटनामा परेको हो ।
दुर्घटनामा सेनाका २३ जना घाइते भएका छन् । घाइतेमध्ये ८ जनालाई हेलिकप्टरमार्फत काठमाडौं पठाइएको छ भने बाँकीको भोजपुरमै उपचार भइरहेको भोजपुरका प्रमुख जिल्ला अधिकारी राजन पौडेलले बताए ।
